السبت، 11 فبراير، 2012

فضاوة وبـــــــــــس ^^


حالياً انا مشغولة بالمرحلة الإنتقالية بحياتي , حيازتي على لقب "خريجة مستجدة" كانت آخر شغلة أضفتها لسجل إنجازاتي ..
الأيام بتعدي من غير ما أعمل أي حاجة .. فراغ .. سكون ..وأحاسيس غير محسوسة ..
والأحاسيس هادي هي سبب ابتعادي عن التدوين وعن الناس بهالفترة ..
بصراحة انا مش كرهانة الحالة اللي انا فيها , ومش زعلانة .. بالعكس انا حابة هالإحساس ومبسوطة فيه ..حاسة انو لازمني هيك مرحلة بحياتي ..
انا مش فاضية غير لأيام الفراغ اللي بعيشها , وحابة أضل هيك شوية كمان , حابة أسيب كلشي وأضل بس أتفرج على حياتي كيف ماشية , حابة آخد بريك وأسيب لجام الأمور تمشي بدوني ..
سايبة مشاعري وأحاسيسي تجاه الناس والأشياء من حواليا , متقوقعة جوا حالي .. ما بدي إزعاج ..ما بدي حدا يطلعني من هالحالة , ومش حابة أطلع من هالحالة .. حابة أعيش الفراغ لأقصى حدوده , حابة أستمتع بلحظات اللا شعور هادي قد ما أقدر ..
مش حاسة إني سلبية, يمكن اكون باردة , بس حاسة انو من حقي أعيش هالفترة من البرود من بعد كل الضغط وعجقة الحياة اللي واجهتني بآخر فترة .. اكتشفت انو الفراغ مش عاطل, والبرود مفيد أحياناً , صح برودنا بيزعج اللي حوالينا وانو لازم نتخلص من هالحالة في أقرب وقت ممكن عشان الناس اللي بنحبها مش عشانا ..!
الفترة الانتقالية هادي مهمة في حياة كل بني آدم بجد , مرحلة تقدر تخزن فيها طاقات كبيرة للأيام الجاية , انك تقفل قلبك وتفكيرك وحواسك لفترة قليلة من الزمن إشي مش سيء كتير , بالعكس حاجة مهمة كتير _عالأقل بالنسبة لإلي _ ولازمة!
عندي كتير أفكار وتغييرات حابة أعملها بس أخلص هالحالة , وكتير أشياء حابة أعمللها إعادة جدولة وترتيب , وحجات لازم ألغيها من حياتي .. كلشي راح يصير بإذن الله .. بس بعدين ..
أما حالياً حابة أعيش الفضاوة .. وبس!!

هناك 7 تعليقات:

صمت الورود Esraa يقول...

جمبل ان يعيش الانسان راحة

ليجدد الجسم نشاطه من جديد

اتمني ان تكون فترة انتقالية في حياتك

جميلة ومميزة

جورية لقلبك الطاهر

Rawan Asad يقول...

(انا مش فاضية غير لأيام الفراغ اللي بعيشها) I liked that sentence ! Actually I feel that I'm living the same situation and I really like it :)))) And I also guess thatthis period is to take care of myself by me !!! I haven't taken care about it since so long time :)



Waiting more and more wonderful essays and pieces of writing for you lamosh ,, wish u all the best :D

زَهـْــــرُ الُأقْحـُــــــوَانْ يقول...

عزيزتي اسراء هي مرحلة تجديد بالفعل ..
وآمل أن الآتي أجمل بإذن الله ..

مرورك يبهجني جداً صديقتي :)

زَهـْــــرُ الُأقْحـُــــــوَانْ يقول...

روان مبسوطة كتير بوجودك هنا عزيزتي ..
نوريني دااااايماً برأيك ..

بتمنالك كل الخير والتوفيق ^^

احبة القلم يقول...

مممم
جميل رغم فراغه "شعور الفضاوة"
يكفي بعض الراحة النفسية بأنه ماعليكِ كبشات تراكمات
تخرجنا بس عليّ كبشة مستجدات
موفقة دوم لمى^_^

د.ريان يقول...

مساء العطر سيدتي

ومدونة جميلة وراقية

دمتم بكل ود

زَهـْــــرُ الُأقْحـُــــــوَانْ يقول...

شكراً د.ريان يسعد أوقاتك