الثلاثاء، 29 نوفمبر 2011




"الشيء الوحيد الثابت في هذه الحياة ..هو التغيير!!"
جملة منطقية مش هيك؟؟
الجملة الوحيدة اللي لزقت بمخي من كل محاضرات مادة "الإدارة" الكورس اللي فات!!
سوري د.محمد بس هادي هي الحقيقة!!
^_______^

الخميس، 24 نوفمبر 2011

صباح الخير يا وطني







وطني .. مع الحرية لنا موعد ..



"فيكون تنسوا ,, الخبز الكلام.. أسامي الإيام.. والمجد اللي إلكون..

لــــــــــــكن شو صار ما تنسوا وطنكون.."



صباح الخير يا وطني...

صباح الخير يا فلسطين ..

الصورة من تصوير عبدالله شرشرة\بحر غزة

الاثنين، 21 نوفمبر 2011

شتا شتا شتااااااااااااا





مش فاهمة ليش هالأد الناس مغرومة بالشتا!!
فصل كئيب وطويل وباااارد .. انا شخصياً مبحبش الشتا ..وما بعتقد اني راح احبو بيوم من الأيام ..
ليش الشتا راح يتغير بيوم من الأيام؟؟ ..
ايش يعني شتا ؟؟ ..يعني حبسة بالبيت ..
يعني تمرض من غير سبب وهاتك يا عطس ..
يعني كآآآبة وسيطرة اللون الرمادي عالدنيا ..
يعني إلبس كل الخزانة ولساتك ما دفيت ..
يعني تطلع عالمرايا تشوف حالك أد البرميل وتضل ساكت ..كلو فدا تتدفى!
يعني كسل وأكل ومرعى وقلة صنعة!
يعني دفاية ..وشمسية .. وجرابات .. وكونتيز ..وطواقي صوفية ..وييييه
يعني تخلص اطنعشر مرطبان نسكفيه والشتا لسة ما خلص!
يعني حلويات وسحلب وشوكولاتة وطااااقة .....و10كيلو دهون!
يعني درااااسة وامتحانات...يععع
يعني تيجي تطلع ناشف ترجع مبلول .. شعرك سيشوار وواكس يرجع.....اكتئاب!
يعني لاصة وتراب ..
يعني افتقاد البشر في الشوارع والأماكن العامة ..
يعني تأجيل مشاوير ..
يعني ادحل تحت لحافك ,,واستنى لحد ما ييجي الصيف!!

هادا هو الشتا!! ..
بس اللي بيخليني أصبر عالشتا هو الشتا .. المطر يعني J
ويا سلام ع ريحة الأرض بعد المطر ..ولا شكل قوس قزح بالسما بعد الزخ ..
ولا أغاني الشتا لفيروز .."وبكرة بتشتي الدني عالقصص المجرحة ..بيبقى اسمك يا حبيبي واسمي بينمحى"

" بليل و شتي صوتو مسموع يا هوي اغمريني يا هوي دموع
 تنين عاشقين قاعدين دايبين عم يحكو سوا على ضو شموع "

 إديش كان في ناس عالمفرق تنطر ناس ..وتشتي الدني..
ويا حملوا شمسية ..وانا بإيام الصحو ما حدا نطرني"

بإيام البرد وإيام الشتي ..والرصيف بحيرة ..والشارع غريق ..
تيجي هاك البنت من بيتا العتيق ..ويقلا انطريني وتنطر عالطريق ..ويروح وينساها تدبل بالشتي"

"رجعت الشتوية ..ضل افتكر فيي .."

"شتي يا دنيي تيزيد موسمنا ويحلى..وتدفق ميي وزرع جديد بحقلتنا يعلى"

"يا ناطرين التلج .."
هي الشتا ..وبس!!

السبت، 19 نوفمبر 2011

بحبش السياسة!!





عندي مبدأ من زمان بتبعه .. اللي هو (تفتيش في اشي ما بتعرفيه!!)
وهادا حالي الدائم مع السياسة .. بحبش السياسة!
عشان هيك ما بقرب عليها ..ولهيك ما بعرفها .. ولهالسبب ما بفهم فيها .. وعشان هيك بقدرش أفتي فيها!!
أوك ..في أشياء بتستفزني مرات .. في أشياء بتثير فضولي أحياناً .. وفي أشياء بتقرفني دايماً!! .. بضطر وقتها اضطرارياً إني أحكي فيها!
من زمان وانا زغيرة كنت بسمع دائماً بمصطلح متداول }السياسة ,,تياسة , {مع احترامي للسياسيين _أو مش ضروري الاحترام_ ,, يمكن حدا يستغرب .. يوه؟؟!! كيف ما بتفهمي بالسياسة وانتي حياتك كلها سياسة؟؟ ..عايشة بأرض السياسة ..بتصحي ع سياسة .. وبتنامي ع سياسة .. بأكلك سياسة ..بلبسك سياسة ..بكل إشي سياسة ..!! ...آه ..مهو عشان هيك بحبش السياسة!!
أنا ما بعرف عن السياسة غير إنو اسرائيل هي العدو المجرم اللي محتل بلدنا وأمريكا بتدعمها ,,
وطني ضايع ما بين حكومتين فتح وحماس,غزة والضفة الغربية ..الحكام العرب جبناااا وبياعين كلام وهيهم بيغوروا واحد ورا التاني وعقبا للبواقي ..ونقطة انتهى.
انا ايش فهمني بالسياسة؟ ايش عرفني معنى الديمقراطية ,الجمهورية ,الإمبريالية, الشركسية ,الحزبية, النازية , الإقليمية ,الحربية ,الحدودية , اليسارية اليمينية الملوخية ..ايش دخل الملوخية؟؟ ...... ما علينا!
مـــــا علينا؟! .. هو هادا المعنى المزبوط ..ما علينا !!
يعني الواحد ايش بدو بحرقة هالدم؟؟
لا والاشي المستفز بتلاقي أي حدا وكل حدا بيحكي بالسياسة وعامل فيها ريتشارد قلب الأسد..(مين هادا؟؟....ما علينا!) ..حتى الولد الزغير بيفتي بالسياسة ..الجاهل الأمي الحمرجي العربنجي بيحكي بالسياسة ..لا وبتلاقيه بيناقش وبيصرخ هالمسكين ..لا هو فاهم ايش بيحكي ولا اللي قباله فاهم اشي! ..
محدددددش فاهم حاجة!!
يا عــــــــــــالم بيكفي تياسة ..وخليكو بأكل عيشكم ..وبلا سياسة بلا بطيخ ..الواحد اللي فيه كافيه!!
هالقصة مش غبـــــاء .. بس تغابي بعيد عنكم _أو قريب_ ...مــــــــــا علينا!!




هالحكي مجرد ردة فعل تجاه موقف قابلني اليوم .. وما علينا!

أمنيات ..


أمنيات ..
كثيرٌ من الأمنيات التي تمنيتها يوماً ما, كان تحققها مستحيلاً في ذاك الوقت الذي تمنينتها فيه , وربما كان تحققها مستحيلاً أيضاً حتى هذا الوقت وإلى وقت لاحق!!, فأستبدل تلك الأمنيات بأماني أخرى جديدة .. تنضج مع الوقت , وتتغير مع تغير تفكيري وطموحي .. بعضها تحقق والبعض الآخر قد يتحقق ,, وبعضها لم تسمح لها الأقدار بالتحقق ..

°°°°°°°°°°°°°°°°°°°°°°°°°
وتتراكم الأمنيات .. التي طالما تمنيتها بيني وبين نفسي .. والتي طالما تخيلتها تؤول إلى الواقع!
وتتحول تلك الأمنيات الصغيرة إلى أحلام .. ليس لأنني أعجز عن تحقيقها .. وليس لأن الواقع أقوى من أن يحققها .. لكن ربما لأنني أطمح دائماً بما هو أفضل وأجمل وأصعب!!
°°°°°°°°°°°°°°°°°°°°°°°°°

هناكـ أمنيات صعبة المنال ولكني لا أنفك أحملها في دواخلي دائماً , أواسيها بالأمل , وأصقلها بالدعاء ..

°°°°°°°°°°°°°°°°°°°°°°°°°

في كل مرة تسقط فيها رموشي على وجنتي ..يقولون لي" أغمضي عيناك وتمنّي" ..
عندما تتكاثف الأمطار ببذخ .. يقولون لي" بللي يداكِ وتمنّي" ..
قبل أن أطفئ شموع كعكتي كل سنة ..يصرون علي بقولهم .." تمنّي "..
وعندما أقرأ عبارة "اللهم أعطهم ما يتمنون لنا" على زجاج السيارات الخلفي .. أتمنّى..

°°°°°°°°°°°°°°°°°°°°°°°°°

كل ما حولي يحتمل التمني ..و لأنها لا تأتي إلا بالتمني ..قررتُ أن أتمنى!
بعض الأشياء أكتفي بها حلماً .. لأنني أدركـ جيداً أن تحققها قد يبدو مستحيلاً .. لذلك أحمل في نفسي قناعة دائمة بأنه ليس كل ما أتمناه "سيتحقق" .. لكي أتجنب صدمات و "إكتئابات" أنا في غنى عنها ..!
وما أصعبني حينما أكتئب!!
°°°°°°°°°°°°°°°°°°°°°°°°°
و يبقى .. الإنتظار ..
طقساً مرهقاً من طقوس حياتنا اليومية لتلك الأمنيات التي لا نبوح بها لأحد ..
"عبارة أعجبتني"
°°°°°°°°°°°°°°°°°°°°°°°°°

أخيراً ..
ليس من العيب أن نتمنى .. و لكن المخجل
أن نرى غيرنا يحققون مايحلمون به.. ونحن لا زلنا نائمين !!

°°°°°°°°°°°°°°°°°°°°°°°°°
طابت أمنياتكمـ

الخميس، 17 نوفمبر 2011

ناس ..ونــــــاس!


هناك كثير من الأشخاص حولي يملئون عالمي , اتعايش معهم ويتعايشون معي .. مختلفي الشكل , تفكيرهم متباين , حديثهم , عواطفهم ,ثقافتهم, دينهم , عاداتهم,, كلها مختلفة ..!

منهم من اتجنب الاختلاط بهم , لسببٍ ما أو من دون سبب!
ربما لأنهم من بعيد أنقى وأفضل! أو لأنهم ليسوا الأفضل رغم المسافة بيني وبينهم!!

وهناك من استلطفهم واحب مرافقتهم أو التحدث معهم , لسبب او من دون سبب أيضاً!!

هناك من أحبهم بصمت , اود محادثتهم , لكن القدر لم يمنحني بعد تلك الفرصة!
ربما لحكمة إلهية,, ربما!!.. و"عسى أن تُحِبُّوا شيئاً وهوَ شرٌ لكم"!!

هناك من يكنون لي كل محبة ومشاعر جميلة ولكني لم يسبق وشعرت بجمالها من قبل!..
أنا لا أعلم ,, وهم يخافون المبادرة!

هناك من أنا "مضطرة" للتعامل معهم , وأنتهز أقرب الفرص للفرار من ملاقاتهم..
ولكني أكتشف _بأسف_ أن كل الطرق تؤدي إليهم!

هناك من أحبهم , وأفتعل الصدف للقاء بهم , ويمر الوقت معهم كالبرق , ويتوقف الزمن منتظراً ملاقاتهم من جديد ..
وهم أيضاً كذلك ..

هناك من أعرفهم منذ زمن , ولكني _بعد_ لم أحسم مشاعري تجاههم ..
أأنا أحبهم أم لا!!

هناك من كانوا يوماً ما هنا .. وجاء القدر ليخطفهم بغتة إلى هناك ,, حيث لا يمكنني الذهاب..
 إلا متى شاء الله! ..
كم بعيدون همـ .. أو قريبون .. وحده الله يعلم!

هناك من يقفون على عتبة الرحيل ملوحين لي , وانا هنا وحدي أتعذب بلوعة الفراق القريب!
أألوِّح "إلى اللقاء"؟؟ أم "إلى الوداع"؟؟

وهناك من رحلوا بالفعل ولكن دون وداع أو تلويح .. ودون مبرر للرحيل ..
لازالوا يعبثون في الجانب الآخر من عالمي ..
أتعذب بالشوق لهم , وأصبر نفسي ب"النسيان" !

هناك من ألقاهم وأتمنى اجتنابهم , ليس لعيبٍ فيهم!
بل لأنهم جزء من ماضٍ أوَدُّ لو أنه لم يكن يوماً!

هناك من يسكنون الذاكرة بكل تفاصيلها .. وهم لم يهيئوا لنا أقل من 1 بايت من ذاكرتهم..!!
ونلتهم بهم حبوب النسيان .. فننسى كل شيء ... إلا هم!!

هناك من أتنفسهم ,ولا أشعر بنكهة الحياة الجميلة إلا معهم , غيابهم خانق .. ووجودهم يغني عن الكون بأكمله .. أعشقهم حد الإرتواء .. وأدعو الرب أن يطيل بعمري _فقط_ لأبقى بالقرب منهم ..
كم أحبهم هؤلاء .. ^_^

الأحد، 13 نوفمبر 2011

اشتياق غير عادي !!


وأشتاقُ دَوماً لتلكَ الصخْرَةِ المنُزوية على شاطئ البَحْر, والتي تتكسَّرُ فوقَ وِحْدتها أمواجٌ تُداعِبُ صُلبتها اللّذِجة ..والتي كادتْ أن تجمعنا ذاتَ يومٍ ,,

كَمْـ حلُمتُ مِراراً بها ,, وكَمْـ تمنيّت لُقياها مُصادفةً في موعدٍ خاطفْ ..

أشتاقُ لوعُودهم وهمَسات بَوحِهم : "سآخذَكـِ قريباً إلى صخرتي , وسنجلسُ عليها سوياً في القريب الآتي .."

أشتاقُ جــــــداً لذاكَـ القريب الذي لمْ ولنْ يأتي ..

اعذروا اشتياقي فهو ليـــــسَ بيدي .. بلْ بقلبي !









بحر غــــــــــزة

شتاء 2011

وحدة ..



أن يكون كل الناس حولك , ولا تشعر بوجود أحدهم ..
أن يزدحم هاتفك ب177 رقم, ولا تجد أحداً لتحكي له أوجاعك ..
أن تفتح بريدك الإلكتروني وتجد أكثر من 20بريد متصل وتصر على إبقاء هيئتك off line" " رغم وجود العديد من المحادثات الفارغة التي تنتظر البوح ..
أو تزور صفحتك على موقع التعارف الاجتماعي ال  facebook"" ,, وتتفقد غرف ال "chat" وتجدها قد امتلئت بصخب الأصدقاء والمجموعات ,, ثم تغلق تلك الصفحة بمجرد أن تفتحها ..
أن تلجأ إلى مدونتك الإلكترونية وتهم بكتابة تدوينة جديدة تحكي عن شيء جديد قد أصاب روتينك برصاصة قاتلة .. ثم لا تجد ما تبوح به غير سطور خالية إلا من فراغ .. لتعود وتغلقها مجدداً ..
أن تمارس الصمت عنوة ..
أن تشتاقهم خلسة ..
أن يحملك شعورك إلى اللاشعور ..
أن تهرب من عالمك إلى عالم "الفيــــروز" قابضاً بيدك فنجان "نسكافيه" .. وينطلق الصوت ..

" بتسأل عليّ كتير و بتحبني
 بعرف هالحكي,, حافظة هالحكي
 كل الحكي حلو و مع انو حلو
 ليش بيضلو أحساسي يقلي (لأ)
 في شي بدو يصير في شي عم بيصير " .. و"ولا شي بيصير!!"

وأن تسقط في فوهة التحايد ..حيث لا كره ولا محبة لأي شيء .. لكل شيء ..

تلكـَ هي ||الوحـــــدة|| ..


الخميس، 10 نوفمبر 2011

سجل أنا عربي .. محمود درويش


من أروع القصائد على الإطلاق ..



 سجِّل! أنا عربي

 ورقمُ بطاقتي خمسونَ ألفْ

 وأطفالي ثمانيةٌ

 وتاسعهُم.. سيأتي بعدَ صيفْ!

 فهلْ تغضبْ؟

 سجِّلْ!

 أنا عربي

 وأعملُ مع رفاقِ الكدحِ في محجرْ

 وأطفالي ثمانيةٌ

 أسلُّ لهمْ رغيفَ الخبزِ،

 والأثوابَ والدفترْ

 من الصخرِ

 ولا أتوسَّلُ الصدقاتِ من بابِكْ

 ولا أصغرْ

 أمامَ بلاطِ أعتابكْ

 فهل تغضب؟

 سجل

 أنا عربي

 أنا اسم بلا لقبِ

 صبورٌ في بلادٍ كلُّ ما فيها

 يعيشُ بفورةِ الغضبِ

 جذوري...

 قبلَ ميلادِ الزمانِ رستْ

 وقبلَ تفتّحِ الحقبِ

 وقبلَ السّروِ والزيتونِ

 .. وقبلَ ترعرعِ العشبِ

 أبي.. من أسرةِ المحراثِ

 لا من سادةٍ نجبِ

 وجدّي كانَ فلاحاً

 بلا حسبٍ.. ولا نسبِ!

 يعلّمني شموخَ الشمسِ قبلَ قراءةِ الكتبِ

 وبيتي كوخُ ناطورٍ

 منَ الأعوادِ والقصبِ

 فهل ترضيكَ منزلتي؟

 أنا اسم بلا لقبِ

 سجل

 أنا عربي

 ولونُ الشعرِ.. فحميٌّ

 ولونُ العينِ.. بنيٌّ

 وميزاتي:

 على رأسي عقالٌ فوقَ كوفيّه

 وكفّي صلبةٌ كالصخرِ

 تخمشُ من يلامسَها

 وعنواني:

 أنا من قريةٍ عزلاءَ منسيّهْ

 شوارعُها بلا أسماء

 وكلُّ رجالها في الحقلِ والمحجرْ

 فهل تغضبْ؟

 سجِّل

 أنا عربي

 سلبتَ كرومَ أجدادي

 وأرضاً كنتُ أفلحُها

 أنا وجميعُ أولادي

 ولم تتركْ لنا.. ولكلِّ أحفادي

 سوى هذي الصخورِ..

 فهل ستأخذُها

 حكومتكمْ.. كما قيلا؟

 إذن

 سجِّل.. برأسِ الصفحةِ الأولى

 أنا لا أكرهُ الناسَ

 ولا أسطو على أحدٍ

 ولكنّي.. إذا ما جعتُ

 آكلُ لحمَ مغتصبي

 حذارِ.. حذارِ.. من جوعي

 ومن غضبي