الاثنين، 2 يناير 2012

نفسي!!




نفسي أعمل إشي مختلف!
إشي خارج حدود المنطق!
في كتير أفكار بتدور براسي ..أفكار غريبة وعجيبة وصعبة وربما كانت مستحيلة!
بس نفسي أعملها!! ..
نفسي أطير ..أطلع فوق على جبل , وأنط , بس ما أوقع ..بدي أطيـــــــــــــــر
نفسي أروح البحر , وأعوم على وش المية , آه برد ,بس مش مشكلة بتحمل البرد ..
نفسي أتخانق مع حدا ..خناقة غير سلمية .. طول عمري مسالمة وما بحب المشاكل ..نفسي هالمرة أكون "مش أنا"!
نفسي أتجادل مع حدا بأي موضوع سخيف , وأطلع بالآخر خسرانة .. نفسي أحس إحساس الخسارة بالحوار ..واللي بعمري ما حسيته!!
نفسي أركب موتسكل لحالي _مش ورا لؤي أخويا_ واطير فيه بأقصى سرعة ..
نفسي أعزف غيتار ..بحب الغيتار ..
نفسي أعمل كوخ فوق شجرة وأنام فيه ..
نفسي أسافر ..أسبانيا ..هاواي .. افريقيا الجنوبية ..القدس!
نفسي أغير شكلي كلياً ..حتى بصمة أصبعي تتغير ..بيسير؟؟
نفسي أعمل عملية استشهادية ..اه نفسي!
نفسي أشوف اشي بعمري ما شفته ..أروح مكان بعمري ما رحته .. أحكي مع حدا عمري ما قابلته ..
نفسي أفقد جزء معين من ذاكرتي ..
نفسي أمسك سلاح وأطلق 3 رصاصات ..اشمعنى 3؟؟ ...هيك!
نفسي أحكي ياباني ..
نفسي أنجن ..
نفسي أتحرر من كل القيود اللي بتمنعني أعمل كل هالأشياء!

نفســــــــــــــــــي أعيش بعالــــــــــــــــــــــــمـ تاااااااااااااااااااني

هناك 6 تعليقات:

غير معرف يقول...

لما تلاقي هادا العالم احكيلي ونروحو مع بعض ,كأنك بتوصفي حالتي قديش نفسي اعمل هيك واكترررر

هالة يقول...

نفسي اكتر اشي اسافر والف الدنيا كلهااااااا.. بدون ما يكون ورايا مسؤليات ولا حد يحاسبني ولا حد يقيدني ...
كل اللي نفسنا فيه يا صاحبتي هو شوية " حــــرية "
نتحرر من حالنا
من عقولنا
من احساسنا
من تفكيرنا
من الناس
........



"___"

غير معرف يقول...

نفسي أكسر هالملل
نفسي أحلق في السحاب
نفسي اتزحلق على قوس قزح
نفسي نام بين الملايكة
ونفسي ونفسي
وردك ألله ما تفتحي بواب علي^^
,,,

على الهامش
لوك المدونة جميل ولائق ^^

زَهـْــــرُ الُأقْحـُــــــوَانْ يقول...

أول ما ألاقيه راح أخبرك ^*

زَهـْــــرُ الُأقْحـُــــــوَانْ يقول...

هلوش احنا فعلاً محتاجين شوية حرية لحتى ننطلق ..
يسعدك ربي ويحققلك كلشي نفسك فيه

زَهـْــــرُ الُأقْحـُــــــوَانْ يقول...

نـــور عزيزتي عيشي الدور :)
الله يحققلك كل اللي بنفسك يارب ^^

وعلى الهامش ..
مشكورة جداً ..أردتها بحلة جديدة في عامها الجديد ^^